Таҳририят сиёсати
1. Мақола матни А4 ҳажмда, юқоридан ва пастдан 2 см, чапдан 3 см, ўнгдан 1,5 см жой қолдириб расмийлаштирилади.
Мақола MS WORD матн муҳарририда, Times New Roman шрифтида 14 ёзув ўлчами катталигида, 1,15 интервалда ёзилади.
2. Мавзу номи бош ҳарфларда ва қорайтирилган ҳолда, мавзудан сўнг муаллиф(лар)нинг Ф.И.Ш., илмий даражаси ва унвони, иш (ўқиш) жойи, электрон почтаси ва телефон рақами кўрсатилади.
3. Мақолада аннотация ўзбек, рус ва инглиз тилларида (12 шрифт, 1 интервал оралиқда) ёзилади. Сўзлар сони 100-150 сўз оралиғида бўлиши мақсадга мувофиқ.
4. Калит сўз ва иборалар – (7-10 тадан кам бўлмаган) уч тилда – ўзбек, рус, инглиз тилларида берилади.
5. Мақоланинг ҳажми аннотация, калит сўзлар ва адабиётларни ҳисобга олмаганда камида (0,25 б.т.) 5-8 бетгача бўлиши мумкин.
6. Мақолада ҳавола (сноска)лар [1], [1, 2,], [2, Б.170], [3, Б.132, 185, 193] ёки [1, Б.132; 3, Б.185] кўринишида ва мақола сўнгида фойдаланилган адабиётлар сифатида кўрсатилади.
7. Мақолада расмий ҳужжатларга (норматив-ҳуқуқий ҳужжатлар) ҳаволалар келтирилмайди, улар мақола матннинг ўзида, тўлиқ ҳолда: сана, тартиб рақам ва номи билан кўрсатилади.
8. Жадваллар: “Жадвал” сўзи билан ифодаланиб араб рақамлари билан қайд этилади. Жадвалнинг номланиши ва қайд рақами (нуқтасиз) берилади ва ўнг томонга тўғриланади, жадвалнинг номи кейинги қаторда ўртадан қорайтирилган шрифтда ёзилади.
Ҳар хил график ва жадваллар ранли ёхуд оқ-қора рангда бўлиши талаб қилинади.
9. Файл номида муаллифнинг Ф.И.Ш. тўлиқ (қисқартмаларсиз) ёзилади.
1. Мақолани тайёрлашда Таҳририят томонидан белгиланган мақолани расмийлаштириш талабларига қаътий риоя қилиниши лозим (мақола ҳажми, шрифт, шрифт катталиги, қатор оралиғи, ҳошиялар, варақ).
Мақола орфографик ва стилистик хатолардан ҳоли бўлиши ҳамда ўзгаларнинг материаларидан кўчириб олиш ҳолатлари учрамаслиги керак.
2. Мақоланинг умумий таркибий тузилиши кириш, асосий қисм ва хулосадан иборат бўлиши мақсадга мувофиқ.
Кириш қисмида танланган мавзунинг долзарблиги, янгилиги, тадқиқот мақсади ва вазифалари келтирилади.
Асосий қисмда илмий муаммонинг тадқиқот методлари, эришилган натижалар баён қилинади.
Хулоса қисмида эса натижалар умумлаштирилади, якуний хулосалар, тавсия ва таклифлар, кейинги тадқиқ этиладиган йўналишлар келтирилади.
3. Таҳририятга тақдим этилаётган мақола бошқа нашрларда чоп этилмаган бўлиши, шунингдек, оригиналлик даражаси (антиплагиат дастури орқали текширилади) 70 %дан кам бўлмаслиги лозим.
4. Мақолада матнлар такрорларсиз, мантиқий изчил, баён қилинган фикрлар аниқ, қисқа ва лўнда ҳамда келтирилаётган маълумотлар ишончли ҳамда тўғри бўлиши лозим.
5. Сарлавҳа мақоланинг энг муҳим қисмларидан бири бўлиб, унда мавзу аниқ акс этиши лозим.
Сарлавҳа мавҳум ёки умумий фикрлар орқали баён этилмаслиги, академик услубда ёзилиши, илмий изланиш мавзуси негизида ётган асосий муаммо ва масала(лар)нинг таклиф этиладиган ечимини ифодалаши зарур.
Мақола сарлавҳасида қўлланиладиган сўзлар миқдори 10-12 тадан, калит сўзлар эса 1-2 тадан ошмаслиги керак. Сарлавҳада фақат умумқабул қилинган аббревиатура (қисқартма)ларни қўллаш мумкин.
6. Аннотацияда мавзунинг таснифи, ишнинг мақсади ва эришилган натижалар, ишнинг илмий янгилиги билан боғлиқ маълумотлар берилади.
Аннотацияда ортиқча, кераксиз сўзларни ишлатиш, батафсил тавсифлар келтириш, мақоладаги гаплардан нусха кўчириш, сарлавҳани айнан ёзиш, қисқартмаларни қўллаш, манбаларга ҳавола (сноска)лар келтириш мумкин эмас.
7. Мақоланинг семантик ўзаги (асоси, моҳияти)ни ташкил қилувчи калит сўзлар тадқиқот мавзусини тавсифлаш ва таърифлаш учун зарур саналадиган муҳим тушунча ва категориялар рўйхатидир.
Амалда ушбу сўзлар интернет тизимида мақолани излаб топишда ёрдам беради. Шу боисдан ҳам, мақолани тайёрлаш вақтида мавзунинг семантик ядросига алоҳида эътибор қаратиш лозим.
Мақолага бериладиган калит сўзлар 7-10 та атрофида бўлиб, умумийдан хусусийга қараб тартибланган бўлиши, яъни мавзу ва муаммога тегишли калит сўзлардан бошланиб, тадқиқот объекти ва предметига тааллуқлилари билан тугалланиши лозим.
Калит сўзлар сифатида неологизмлар, узун сўз бирикмалар, гапнинг уюшиқ бўлаклари ишлатилмайди.
8. Мақолада расм битта бўлса, рақамланмайди (расм, номи), бир нечта бўлса, рақамланади.
9. Мақоладаги жадвал (схема)нинг номи марказ бўйлаб тенглаштирилади. Бунда “Жадвал” сўзи саҳифанинг ўнг чекка томонига жойлаштирилади. Жадвал битта бўлса рақамланмайди, бир нечта бўлса рақамланади.
Жадвалга киритилган маълумотларнинг моҳияти аниқ, қисқа ва лўнда қилиб акс эттирилиши лозим.
10. Мақола илмий нашрлар рукнларининг маълум бир тармоғига мос мавзу ва йўналишда бўлиши керак.
Илмий нашрнинг жорий сонида муаллифнинг фақат 1 та мақоласи чоп этилади. Битта мақолада муаллифлар сони уч кишидан кўп бўлмаслиги керак.
1. Таҳририятга илмий изланишлар олиб бораётган олимлар, профессор-ўқитувчилар, докторантлар, магистрантлар, мустақил изланувчилар, маълум бир соҳанинг мутахассислари ва амалиётчилари, шунингдек олий таълим муассасаларининг иқтидорли талабалари мақола юборишлари мумкин.
2. Нашр этиш учун мақола Таҳририятга электрон почта submit@imfaktor.uz, www.imfaktor.uz/submit интернет ҳаволаси
ва Telegram иловасида https://t.me/imfaktor ҳамда https://t.me/imfactor ҳаволалари орқали юборилади.
3. Юборилган ҳар бир мақола масъул муҳаррирлар томонидан техник экспертизадан (мақолани тайёрлашда мақолани расмийлаштириш талабларига қаътий риоя қилиниши) ўтказилади.
Муаллифга мақолани техник экспертизадан ўтказиш натижалари мақола келиб тушган кундан бошлаб икки иш куни мобайнида электрон почта орқали хабар қилинади.
Ушбу босқичдан ўтган мақолалар мажбурий тақриздан ўтказиш учун илмий нашрнинг Таҳририятига юборилади.
4. Таҳририят томонидан тақриздан ўтказилиб, ижобий баҳоланган мақолалар нашр этиш учун тавсия этилади.
Салбий баҳоланган мақолалар сабаблари кўрсатилган ҳолда қайта ишлаш учун муаллифга қайтарилади.
Муаллиф тақриздан ўтказиш натижаси ҳақида мақолани тақризга юборилган кундан бошлаб икки уч куни ичида электрон почта орқали хабардор қилинади
5. Таҳририят томонидан нашр учун тавсия этилган мақола беш иш куни ичида порталда (журналнинг жорий сон саҳифасида) эълон қилинади ва муаллифга нашр ҳаволаси тақдим этилади.
Эълон қилинган ҳар бир мақола учун муаллифга бепул сертификат ҳамда нашр этилганлиги тўғрисида маълумотнома берилади.
6. Мақолага шу соҳадаги етакчи олим ёки мутахассиснинг, муаллиф ишлайдиган ёки тадқиқотчи ҳисобланадиган олий таълим муассасаси кафедраси ёки институти раҳбари томонидан берилган ёзма тақриз мавжуд бўлган ҳолларда, мақола экспертизадан ўтказилмасдан нашр этилади.
7. Мақоладаги тадқиқот натижаларининг долзарблиги ва аҳамиятидан келиб чиққан ҳолда Таҳририят қарорига асосан рус ва инглиз тилларидаги мақолалар ташқи тақриздан ўтказилиши мумкин.
8. Таҳририят кенгаши мақолани қисқартириш, тўғрилаш ва таҳрир қилиш ҳуқуқига эга. Мақолада Таҳририят кенгаши томнидан амалга оширилган ўзгартиришлар тўғрисида муаллифларга хабар берилади.
9. Белгиланган тартибда расмийлаштирилмаган, мавзуси ва йўналишлари мос келмайдиган мақолалар Таҳририят кенгаши томонидан кўриб чиқилмайди ва муаллифга қайтарилмайди.
10. Порталдаги илмий нашрларда эълон қилиш учун мақолалар ҳар ойнинг 1 санасидан 25 санасигача қабул қилинади. Илмий нашрлар кейинги ойнинг биринчи ҳафтасида нашр этилади.
11. Нашр этиш учун тақдим этилган материалларнинг сифати, уларда келтирилган фактлар, тегишли исмлар ва бошқа маълумотлар, шунингдек нашр этилмайдиган маълумотларни ошкор қилиш учун мақолалар муаллифлари жавобгар ҳисобланади.
Тўлдирилмоқда…
Тўлдирилмоқда…